ROMANO BAYRAKO

Romano Bayrako (styago) angluno var lipardilo ano angluno Sumnalesko Romengo Kongresi,kova adikardilo 4-8. Aprili 1971. bersheste ano London.

Ano akava kongresi andilo pratsav, o romano bayrako te therel duy boye:Kvash upruno kotor vunato (plavo) thay kvash teluno kotor haryali (zeleno), a ko mashkar ka therel yekh trkalo (rota) kova ka ovel loli boya thay ka therel 16 rovla kola simbolizuinena 16 rashtre kola lele kotor ano angluno kongresi.

Upruno bayrakosko kotor lelilo vunato, sose o roma jivdinena  avri talo Qeri,teluno kotor haryalo sose e romengo kher sine e natura.O trkalo lelilo sar simboli e Indiyako thay sar simboli so o roma phirde vrdenca,a e trkaleski loli boya mothavela e romengo rat, kola qhorde ano droma  phirindoy vrdenca.

O Roma ruyinene (slavinena ) bayrakosko dive  8. Aprilea thay o 8. aprili si Romano bayrakosko dive e sa Romengo ano Sumnal.

Ano angluno Romengo Kongresi gilavdili vi e Romani himna kola hraminya o Z.J.Jagdano a amen hramina  vi tumen te siklovenla.

GELEM GELEM

Gelem, gelem, lungune dromenca,

Maladilem bahtale romenca.

A romalen  katar tumen aven,

E grastenca,bokhale qhavenca.

A,romalen,a,qhavelen!

Amen simey bari familia,

Mudaryala e kali legiya.

Saren qhinde e romen thay romya,

Mashkar lende e tikne qhavoren.

Putar Devla o kale udara,

Te shay dikhav kay si me manusha.

Pale ka jav lungune dromenca,

Ka phirav bahtale romenca.

Opre roma isi vakt akana,

   Aven manca sa Lumyake roma.

O kalo muy thay o kale yakha,

Kamama len sar  kale draka.

E-mail