Romana Kulturako Centri EUROMA-Kopenhagen,putardilo 18.06.1997. bersheste ko Kopenhagen thay kerela buti vash sa roma kola vestinena ani Danimarka thay po buhle.Amalipasko anav lelem Euroma kolea  manglem   sa o roma kola vestinena ani Danimarka( kola avile yaver yave  Evropake rashtrenda), te haqaren peste sar olengo amalipe.

Sar dikhena ano amaro amalipe e DEVLESKI KUSTIK,lelili sar amalipasko simboli, gandipaya so amaro avutnipe ka ovel po shukar.

Ano amalipasko Peqati ( Shtambili) si 16 Qeyrenya kola pakyarena o Kham kova takyarela o Amalipe Euroma.Uprune 8 qeyrenya si Vunati (plavo )boya,telune 8 Qeyrenya si Haryali(zeleno)thay o hramipe Euroma si Lolo, so mothavela e romani Bayrakeski boya.16 Qeyrenya si simboli e trkalesko (rotako) kova mothavela so ano angluno Romengo kongresi lele kotor 16 rashtre.

*Euroma-ko  angluno aktivipe sine o putaripe e Radionesko pi romani qhib e Anavea Euroma kova kerela buti sakoya Luya kotar 20h-22h. Drabar vash radio

*Sar duyto aktiviteti, ano amaro amalipe kerdili yekh drama,koya mothavela romengo jivdipe thay vi e dramako anav Denyem Euroma sose mothavyem e romengo jivdipe ani sa Evropa.Drabar e drama

                  Ano tasviri diqhona o artistya khelindoy e Drama EUROMA ko Kopenhagen

*O Trinto semno aktiviteti sine, kedipe e lovengo vash Roma kola nashle e Kosovata thay o Amalipe Euroma biqhalya love e Romenge ani Makedoniya (Tetova),kote o amalipe "Kham" ani Tetova ulavya o love e nashutnenge.

Tele mothava sar o amalipe Kham ulavela o love kolen biqhalya o amalipe EUROMA.   Akava so drabarena tele si o E-mail so biqhalya o amalipe Kham-Tetovo-Makedoniya.                     

Zdravo Salko,
ake akana shaj te bichala tuke o slike sar ulavgjam o love so
bichalgen e Romenge tari Kosova.Te i si tu problemi ko putariba o
Atachmenti, javin mange te bichalav len tuke pal i posta.
But sastipe sa e Romenge ki Danimarka.
Kham-Tetovo,
Nadir Rexepi

Vedhæftede billeder:

File: Bajram (1).jpg

Ano tasviri dikhyona o nashutne andar Kosova sar lena love ,kolen biqhalya Romana Kulturako Centri EUROMA -Kopenhagen-Danmark

File: Money (1).jpg

Ano tasviri dikhyona o nashutne andar Kosova sar lena love ,kolen biqhalya Romana Kulturako Centri EUROMA -Kopenhagen-Danmark

File: untitled-1 (1).jpg

Ano tasviri dikhyona o Roma ,nashutne andar Kosova sar ajukrena po redo te len love ,kolen biqhalya Romana Kulturako Centri EUROMA-Kopenhagen-Danmark.

Ano tasviri dikhyona o Roma,nashutne andar Kosova,sar si loshale so lena love ,kolen biqhalya  RKC- EUROMA-Kopenhagen -DK